“Қишлоқ хўжалиги маҳсулотлари миллий брендини яратиш – экспорт салоҳиятини оширишда муҳим қадам” мавзусида Фарғона вилоятида бўлиб ўтаётган Прес-тур иштирокчилари Олтиариқ туманида бўлдилар. Оммавий ахборот воситалари вакиллари, журналист ва блогерлар туманда экспорт салоҳиятини ошириш, деҳқонларни кўпроқ даромадга эга бўлишлари учун амалга оширилаётган ишлар, узумчилик ўқув марказида боғдорчиликка илмий ёндашув борасидаги дастлабки натижалар ҳамда Хайрулло Бахром Бойматов фермер хўжалигида ташкил этилган 80 гектарлик узумзорлардаги агротехник тадбирлар билан танишдилар. Бундан ташқари қуёш паннеллари ёрдамида ишлаётган совуткичли омборхоналардаги иқтисодий самарадорлик ҳақида маълумотларга эга бўлдилар. Қишлоқ хўжалиги маҳсулотларини сақлаш, қадоқлаш ва логистикасини ташкил қилиш бўйича ишлар билан яқиндан танишдилар.